Ma Wee Bit Dearie

Hushabye, ma wee bit dearie,
Greetin only makes ye wearie.
Sleep sall smoor ye sune or later,
Haud yer tears for things that maitter.

In ma wame an angel wrocht ye,
Tai ma breist an angel brocht ye;
Heav'n has kept ye weel attended,
Juist as God had aye intended.

Gowd is stour whaur ye are treasure,
Wealth is puir whaur ye are miasure;
Tho yer hame is spare and shoddie,
This was meant for Mary's lawdie.

Kings maun yet be stouned tae meet ye,
Wabbit folk be gled tae greet ye;
A' the warld gaes tapsalteerie,
Spelter't we' yer licht, ma dearie.